ನನ್ನ ಮನದ ಅಂಗಳದಿ ನಲಿವ ಚೆಲುವೆ ನಿನ್ನ ನೋಡಲೆಂಥ ಸೊಗಸು
ನಿನ್ನ ಕಾಡಿ ಬೇಡಿದರೂ ಮೊಗವ ತೋರುತಿಲ್ಲ , ಏಕೆ ಇಂಥ ಮುನಿಸು ??
ಗಾಡಿ - ಗೋಡೆಗಳ ಬೀಡಿನ ಮಧ್ಯದಿ ಮೊದಲು ಕಂಡೆ ನಿನ್ನ
ಶೋಕಿ ತರಲೆಗಳೇ , ಬೊಗಸೆ ಕಣ್ಣ ತುಂಬ ನೋಡಲೆಂಥ ಚೆನ್ನ
ಆ ಕಣ್ಣು ಕಂಡರೂ ಮೊಗವು ಕಾಣಲಿಲ್ಲ, ಕಾಯುತಿದ್ದೆ ನಾನು
ಬೈಗು ಕವಿಯುತ್ತಿತ್ತು ಸಖಿಯರೊಡನೆಯೇ, ಹೊರಟು ಹೋದೆ ನೀನು
ಸುಗ್ಗಿ ಹಬ್ಬದಂದು ಶಿವನ ಗುಡಿಯಲಿ ,ಕೈಯ ಬಳೆಯ ಸದ್ದು
ಧ್ವನಿಯ ಅರಸುತ ಹೋದಾಗ ಕಂಡೆ ನೀನಲ್ಲಿ ನಿಂತದ್ದು
ಇದೇ ಸುದಿನವೆಂದು ದೇವರ ನಮಿಸಲು ಮುಚ್ಚಿ ನಿಂತೇ ಕಣ್ಣ
ತೆರೆದು ನೋಡಿದರೆ ನೀನಿರುವಲ್ಲಿ ನಿಂತಿದ್ದ ನಿನ್ನ ಅಣ್ಣ .
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ